詩：黃粱 朗讀：黃粱 語言：台灣語
1947年3月9日子時憲兵第二十一團一營自基隆連夜趕抵台北，晨六時，陳儀依計畫宣佈戒嚴，台北城陷入恐怖的殺戮戰場。3月9日上午台北下著毛毛雨，很多民眾並不知道台北已經戒嚴，依然正常作息出門買菜上班，無緣無故在街角即被射殺。被擊斃的民眾雙手綁鐵絲脖子吊磚頭，被軍警丟入淡水河，環河南路水門外、台北橋下與松山基隆河河濱，長達一個禮拜每天浮滿屍體。
三線路（忠孝西路、中華路、中山南路）與三條通（林森北路巷弄一帶）的死者比較幸運，被載到六張犂芳蘭公墓空地，淺淺挖個土坑隨便塞，但至少找得到屍體。植物園附近的死者通通被軍警拖進植物園的草叢樹下暫時安身，免得遺屍道旁嚇到路人；但真巧，不少躲子彈的小市民匆匆跑進植物園避難，被樹下堆滿屍體嚇到魂飛魄散，從此噩夢纏身。
台灣還有很多人不知道「二二八和平紀念日」是幹什麼的，反正有放假；如果改名叫「二二八浮屍紀念日」，這樣的歷史教訓才會被記得。總是有人說要寬恕，但不知道要寬恕誰？聽說只有受害者沒有加害者的悲劇到底要寬恕誰？由國家出錢賠償給受難者是什麼意思？難道全國的納稅人是劊子手？應該由國民黨黨產賠償才對啊！國民黨的黨產本來就是早期侵占公產得來的不義之財。
台灣的轉型正義什麼時候才會到來？
＜死亡證據＞
一座骨髓被擊碎的癱瘓城市
一段瘟疫之愛全身披掛鼠屍
有人踏進林木蔥郁的植物園避難
遍地腥綠吐著蛇信的蔓草震懾雙眼
戶口謄本上父親彼格有記載
「民國三十六年三月九日變死頭部管銃貫穿」
我去中山區公所申請二二八受難登記
區公所个人問：「有啥證據？」
我大聲嚷：「國民黨軍隊搏死人敢有開收據予阮？」
住所附近有電力會社个宿舍
五六个兵趁暗暝侵入規批人拖出去
貴重物件衫褲一項一項剝空空
干但穿一領內褲轉來
我擔菜去雙連市場拄著軍用卡車
兵仔一落車踢倒菜擔仔共菜攏搶走
我毋識事志問伊討錢
因轉身鑿姦撟：「媽你個屄」
三月初九禮拜日透早毛毛仔雨
輪到阿爸當值穿裘仔出門
八點厝邊葉先生來通報
恁老爸倒咧巷仔口全身是血
自倒爿个耳仔開銃銃籽貫過頭殼
阿爸拄欲無去目睭死死
魂魄霹霹霈霈若列若開
珠淚忽然間予人劫走去
「吼」會使當做死亡證據嗎？
死穿著性命个薄衫四界佚陶
是啥人裝痚个共因扭落來？
匿佇斡角仔个手銃親像酒鬼
烏趖趖个罪共殺人个記持做伙刣掉
大約有一禮拜
第九水門外口逐工浮屍體
雙手縛鐵線頷頸吊石頭磚仔角
淡水河邊浮誠濟做行動藝術个少年家
臺北橋頭浮屍擱較濟五分埔彼爿基隆河嘛有
四十八年後事件發生彼工號名「浮屍紀念日」
一隻一隻燈油恬恬仔熄去个紙船
一寡賰肉載去沙崙海濱挕搡
連紲幾若工規車規車走相逐
淡水河口个漲流感染著喉滇个淒涼
是啥人咧挵起落風个腹肚？
是啥人咧彈響斷線个目光？
東南皮鞋个同事經過三條通
路口有死人若像家父
附近有憲兵毋敢倚近看詳細
捙皮鞋師傅叫阮去第三分局問看覓
警察講：「你好大膽！敢出來揣人」
明仔載才來！因欲問葬儀社人埋佇陀
搡三輾車行到六張犁芳蘭公墓
當地住民講這搭有一百外个人凊彩埋
葬儀社徛頭仔手比墓仔埔：
「死佇三條通个埋這頭三線路个埋彼爿」
我个目光兇狂走傱
就咧一座土墓仔頂看著阿爸使用个包袱仔巾
來進前準備了一矸酒共阿爸拭面
軟葬个人用竹篾仔包著兩片姑婆芋遮面
塗一搤開掀起芋仔葉
講起來誠可憐喙唇指頭仔攏磨甲破
（大地聖盤上艱難爬行的垂死聖物）
土公仔講遐塗質鬆三年愛抾金
阿爸死了後生活艱苦拖到第四年
欲抾指頭仔骨已經烌了了
遏斷个三支髕仔骨刻著父親死亡个判決書
（恍惚聽見胸腔內柔鼻彈的爆炸聲）
「阮真幸運
足濟受難家屬到今無墓通掃」
亂葬崗懷藏一年一度焚毀的宿命
為祖先換瓦的五色紙帶來悲傷之喜
刈倒的嘆息四旁高低泥濘
骨甕裡嘶嘶迴響血紅的蛇信
主要資料來源：
《淡水河流域二二八》（吳三連臺灣史料基金會，1996）
〈張金木〉（訪問者：張炎憲、黎澄貴、胡慧玲／受訪者：張金木之子張純三）
〈陳石連〉（訪問者：張炎憲、黎澄貴、胡慧玲／受訪者：陳石連長女紀陳玉華、次女王陳雪枝）
〈陳福〉（訪問者：張炎憲、胡慧玲／受訪者：陳福之妻黃玉葉）
〈周吉成〉（訪問者：張炎憲、胡慧玲／受訪者：周吉成弟弟周吉福）
〈胡舜〉（訪問者：張炎憲、胡慧玲／受訪者：胡舜長子胡聰火、次子胡聰明、三子胡聰吉）
黃粱歌詩《小敘述 二二八个銃籽》
唐山出版社，2013年出版
目錄
題詞
獻詩
序曲
一、罪个盤旋
二、嘉義驛前
三、臺灣光復講演紀錄
四、彼工落山風吹甲真大
五、一枝焦柴引起大火
六、本報電臺收南京長春三月六日電
七、武裝部隊登陸雨港
八、死亡證據
九、桃花扇觀後
十、黨令如山雪紅似血
十一、鳳林張七郎
十二、《臺灣名人寶鑑》
十三、語言的裂隙
十四、空留一劍匣中寒
振魂曲
為臺灣祈禱
後記
附錄
沒有留言:
張貼留言